GREMO უძრავი ქონების სექტორის ერთ-ერთი მნიშვნელოვანი საკომუნიკაციო პლატფორმაა, რომელიც 2021 წელს უძრავი ქონების გაყიდვების კომპანია „პროსპექტის“ მიერ შეიქმნა.

2024 წლიდან კონფერენცია BMG-სთან კოლაბორაციით, გადაცემის „უძრავი ქონების პროსპექტი“ ქოლგის ქვეშ იმართება.

კონფერენციის მიზანი კვლევების, სტატისტიკური მონაცემების, ტენდენციებისა და პრაქტიკული გამოცდილების გაზიარების გზით სექტორის მდგრადი განვითარების ხელშეწყობაა. 

​

GREMO წელიწადში ორჯერ - თბილისში და ბათუმში ტარდება.

ღონისძიება დეველოპერულ და სამშენებლო კომპანიებს, საბროკერო და საკონსულტაციო ორგანიზაციებს, ასევე კვლევით ინსტიტუტებსა და სექტორით დაინტერესებულ პროფესიონალებს აერთიანებს. 

​

GREMO-ის ფარგლებში განიხილება ისეთი მნიშვნელოვანი თემები, როგორიცაა:

• ბაზრის მიმდინარე და გლობალური ტენდენციები

• ფინანსებზე ხელმისაწვდომობა

• უძრავი ქონების გაციფრულება

• სამშენებლო უსაფრთხოება

• ინვესტიციები და კაპიტალის ბაზრები

• ESG და მდგრადი განვითარება

• ურბანული განვითარება და ქალაქგეგმარება

• საცხოვრებელი და კომერციული უძრავი ქონების ტრენდები

• რეგულაციები და საკანონმდებლო ცვლილებები

• მომხმარებლის ქცევა და მოთხოვნის ანალიზი

​

კონფერენციის ფორმატი მოიცავს სამ ძირითად ნაწილს:

• კვლევის პრეზენტაცია

• პანელური დისკუსია

• დაჯილდოების ცერემონია